Category Archives: Kökur

Kanilsnúðar

Kanilsnúðar ( hnútar )
Guðdómlegir kanilsnúðar. Upphaflega gerðir með súrdeigi en líka hægt að gera með geri.
Deig
  1. 700 gr hveiti
  2. 100 gr hrásykur ( eða bara sykur )
  3. 10 gr salt
  4. 3.5 dl nýmjólk
  5. 1 egg
  6. 40-80 gr súrdeig ( eða bara 30 gr fersk ger / 3 tsk þurrger )
  7. 100 gr ósaltað smjör ( kallt )
Fylling
  1. 250 gr smjör ( stofuheitt )
  2. 100 gr sykur ( gott að nota hrásykur )
  3. 20-25 gr kanill
Sykurhúð
  1. 1 dl vatn
  2. 110 g hrásykur
Add ingredients to shopping list
If you don’t have Buy Me a Pie! app installed you’ll see the list with ingredients right after downloading it
Deig 1
  1. Hræra saman þurrefnum í hrærivélaskál.
  2. Velgja mjólk í ca 38°C og setja egg og súrdeig/ger út og blanda vel.
  3. Hella vökvanum saman við þurrefni og blanda með deigkrók í nokkrar mínútur
  4. Láta hvíla í 30 mínútur
  5. Taka smjör og banka það niður með kökukefli þar til örþunnt og leggja svo ofan á deig og hræra saman við. Gæti þurrft að strá örlitlu hveiti við til að deigið losni frá.
  6. Láta hefast þar til tvöfaldast, ca 1 klst með geri, ca 8-10 tímar með súrdeigi.
Fylling
  1. Hræra saman smjöri sykri og kanil í skál þannig að hægt sé að smyrja því létt á deigið
Snúðagerð
  1. Fletja deigið út ca 1 cm þykkt, kannski að stærð eins og ein stór bökunarplata.
  2. Smyrja fyllingunni á 2/3 hluta deigsins
  3. Brjóta hlutann sem ekki fékk neina fyllingu yfir miðju hlutann og svo síðasta þriðjunginn yfir miðjuna.
  4. Fletja létt út renningin og skipta niður í mjóa renninga í ca 3-4 cm á breidd ( ca 18 stk )
  5. Teygja hvern renning og snúa upp á meðan vafinn utan um tvo fingur þar til endinn sem eftir er getur teygst yfir snúðinn og endað undir honum. ( sjá video að neðan )
  6. Leggja á bökunarplötu og spreyja létt með vatni.
  7. Láta hefast þar til snúðarnir hafa tvöfaldast ( ca 40 - 60 mín ).
  8. Baka við 200°C í ca 12 mínútur eða þar til ljósbrúnir
  9. Pennsla með sykurlegi þegar teknir út úr ofninum
Print
Uppskriftir http://huxa.net/uppskriftir/
Hér er myndband frá hinum franska Sébastien Boudet

Scones

Hráefni:

  • 7 1/2 dl hveiti
  • 1/2 tsk salt
  • 1 1/2 tsk lyftiduft
  • 1/2 dl hrásykur
  • 125 gr kallt smjör
  • 1 egg
  • 2 dl mjólk
  • 100 gr dökkt súkkulaði ( 70% )
  • Egg og hrásykur til pensla og strá yfir

Vinnsla:

  1. Setja ofninn á 250°C
  2. Hræra saman þurrefnum í skál
  3. Skera smjör í teninga og mylja vel saman við þurrefnin
  4. Saxa súkkulaði gróft og blanda við þurrefnin.
  5. Hræra saman egg og mjólk
  6. Blanda saman þurrefnum og vökva og hræra í deig
  7. Fletja út í ca 3 cm þykka köku, skera svo í geira. T.d 12 stykki.
  8. 7. Setja á bökunarpappír og pennsla með eggi og strá yfir með hrásykri
  9. Baka þar til gullinbrúnir ca 10 mínútur.

Ostakaka “17 Júní”

Botn:

150 gr Hafrakex
150 gr Makkarónukökur
150 gr Smjör

Kex og makkarónukökur muldar, fínt að setja í poka og berja með kökukefli eða einfaldlega lemja pokanum í borðið. Hella mulningnum í mót t.d. eldfast mót.
Bræða smjörið og hella yfir. Þjappa botnin með skeið eða öðru verkfæri.
Stinga í kæli á meðan fyllingin er gerð:

Fylling:
300 gr Rjómaostur
150 gr Flórsykur
500 ml Rjómi

Þeyta rjómann, blanda svo flórsykri og rjómaosti saman við.
Smyrja fyllingunni svo yfir botninn.
Stinga í kæli eða frysti á meðan kremið er gert, þá er auðveldara að smyrja kreminu á.

Krem:
225 gr dökk súkkúlaði ( best 70% )
200 ml Sýrður rjómi ( hægt að nota gríska jógúrt, kannski skyr líka )

Bræða súkkulaðið yfir vatnsbaði eða í örbylgju og blanda saman við sýrða rjómann.
Smyrja á fyllinguna.

Toppa svo með frosnum berjum, til dæmis jarðaberjum og hindberjum.
Geyma í kæli. Oft best daginn eftir.

Njótið í botn.